Operasionele Hoof: Produksie

Operasionele Hoof: Produksie

(Nie-alkoholiese drankies, suiwel, seepfabriek en bakkery)

Vereistes

• Minimum 5–8 jaar relevante ervaring in voedselvervaardiging, FMCG of produksiebestuur, waarvan ’n gedeelte op senior bestuursvlak moet wees.
• Tersiêre kwalifikasie in Voedselwetenskap, Ingenieurswese, Produksiebestuur of ’n soortgelyke relevante veld.
• Sterk tegniese agtergrond in vervaardiging en prosesse.
• Bewese ervaring in strategiese beplanning en implementering.
• Sterk finansiële insig en goeie begrip van finansiële bestuur of bestuursrekeningkunde, met die vermoë om finansiële state te ontleed en besigheidsbesluite te rig.
• Ervaring in multiwerf- of multi-departementele bestuur sal voordelig wees.
• Uitstekende mensebestuurs- en leierskapvaardighede.
• Sterk probleemoplossingsvermoë en detailgeöriënteerd.
• Vermoë om onder druk te werk en komplekse uitdagings te bestuur.

Verantwoordelikhede

• Ontwikkel en implementeer ’n geïntegreerde strategie vir die Babylonstoren-fabriekgroep, met ’n fokus op volhoubare groei, winsgewendheid en operasionele uitnemendheid.
• Bestuur die prestasie van alle vervaardigingseenhede teenoor begrotings, omsette en winsdoelwitte.
• Ontleed finansiële state, identifiseer tendense en lewer insiggewende kommentaar en aanbevelings.
• Lei die jaarlikse besigheidsbeplanningsproses en dryf die uitvoering daarvan deur die loop van die finansiële jaar.
• Verseker optimale produksieprosesse, kostebestuur en kapasiteitsbenutting oor alle fabrieke.
• Dryf voortdurende verbetering, innovasie en produkontwikkeling oor alle afdelings.
• Bou en ontwikkel hoëpresterende spanne en verseker ’n gesonde, produktiewe werkskultuur.
• Werk nou saam met tegniese, logistieke en kommersiële spanne om geïntegreerde oplossings te lewer.
• Verseker die handhawing van gehalte- en voedselveiligheidstandaarde.

Persoonlike eienskappe

• Strategiese denker met ’n sterk besigheidsinstink.
• Resultaatgedrewe en besluitvaardig.
• Sistematies en analities.
• Innoverend en prosesgedrewe.
• Hoë vlak van aanspreeklikheid en eienaarskap.
• Uitstekende kommunikasievaardighede (Afrikaans en Engels).